Information about New School Immunization Requirements for 2008-09

Wisconsin Cov Me Nyuam Kawm Ntawv Txoj Cai Txhaj Tshuaj Tiv Thaiv nyuam qhuav muab pauv lawm. Tau muab ob qho kev tshuaj txhaj tiv thaiv ntxiv rau lawm. Qhov pauv no yuav muab siv rau thaum lub Cuaj Hlis 2008 uas yog thaum pib ntawm xyoo kawm 2008-2009. Cov ntsiab lus ntawm no yuav pab teb koj cov lus nug hais txog tej yam tshiab yuav tau ua:

1. Vim li cas thiaj tsim muaj cov kev txhaj tshuaj tshiab no?
Txij xyoo 1986 txog 2004, yog ib ncua sij hawm Wisconsin muaj neeg coob leej dua ntais tau txais tus mob pertussis (hnoos ua rau txhawm chim) nyob rau lub teb chaws no uas yog tau muaj li ntawm 5,000 tus neeg mob tau cej luam tawm nyob rau xyoo 2004. Tus mob pertussis yuav tshwm sim tau vim yog kev tiv thaiv yuav poob qis nyob rau 5 — 10 xyoo tom qab muab cov kev txhaj tshuaj tiv thaiv DTP/DTaP tiav tas rau thaum tseem yog me nyuam yaus ntawd. Koob tshuaj Tdap tau pom zoo rau xyoo 2005 cia txhaj rau cov tub-ntxhais hluas thiab cov neeg laus. Kev txhaj tshuaj tiv thaiv cov tub-txhais hluas yuav tiv thaiv tau tus mob pertussis nyob rau hauv cov tsev kawm ntawv thiab hauv zej zog. Tus mob pertussis muaj cuab kav yuav ua tau kev cov nyom rau cov me nyuam thiab cov niam txiv vim tias cov neeg muaj tus mob pertussis no yuav tsum raug cais tawm tsawg kawg nkaus li 5 hnub mus muab tshuaj kho rau.

Ob koob tshuaj txhaj tiv thaiv varicella pom tau tias ua hauj lwm zoo dua ib koob nyob rau kev tiv thaiv tus kab mob ua qhua taum nyob rau cov me nyuam yaus txhua tus.

Kev yuav kom txhaj ob koob tshuaj txhaj tiv thaiv Tdap thiab varicella yog Pab Neeg Tawm Tswv Yim hais txog Kev Txhaj Tshuaj Tiv Thaiv rau tom Chaw Tswj Fwm Kab Mob hais tuaj (Advisory Committee on Immunization Practices to the Center for Disease Control (CDC)).

2. Tej yam tshiab yuav tau ua ntawd yog dab tsi, yuav cuam tshuam rau qib twg thiab yuav pib siv rau thaum twg?
Thaum pib ntawm lub caij nploog ntoos zeeg no, Me Nyuam Kawm Ntawv Txoj Cai Txhaj Tshuaj Tiv Thaiv hauv Wisconsin yuav kom txhaj:

1 koob tshuaj tiv thaiv Tdap (tetanus, diphtheria & acellular pertussis vaccine) rau cov me nyuam kawm ntawv yuav mus kawm qib 6 , 9 thiab 12, thiab
2 koob tshuaj tiv thaiv varicella (chickenpox) rau cov me nyuam yuav mus kawm qib Xyaum Kawm (K), 6 thiab 12.

3. Cov niam txiv yuav tau ua li cas?
Coj koj tus me nyuam mus txhaj koob tshuaj tiv thaiv Tdap thiab/los yog varicella rau yog tias nws tsis tau txhaj cov tshuaj tiv thaiv no.

Siv daim ntawv txhaj txhuaj tiv thaiv luam tau ntawm http://www.madison.k12.wi.us/cso/health los muab cov hnub txhaj tshuaj tiv thaiv ntxiv rau
Luam daim foos thiab teev cov hnub tau txhaj tshuaj tiv thaiv rau hauv daim foos no
Rheev npe rau daim foos no thiab muab nws xa rov mus rau tom koj tus me nyuam lub tsev kawm ntawv chav ua hauj lwm saib xyuas kev noj qab haus huv.

Koj yuav muab

daim foos fax mus rau ntawm 442-2183 los yog
muab cov ntaub ntawv xa on-line mus rau ntawm http://www.madison.k12.wi.us/cso/health los tau.

Yuav kom muab tau qhov kev zam rau tej txheej xwm kev mob nkeeg, kev ntseeg los yog tus kheej kev txhaum txim, yuav tau ua raws li cov kev qhia ua nyob rau hauv Me Nyuam Kawm Ntawv Daim Ntawv Txhaj Tshuaj Tiv Thaiv thiab muab daim foos rheev npe rau lawm xa rov mus rau tom nej tus me nyuam lub tsev kawm ntawv.

Tsis tas li ntawd, xyuas meej kom ntxiv tau cov hnub tau txhaj koob tshuaj tiv thaiv Tdap thiab varicella rau hauv daim ntawv txhaj tshuaj tiv thaiv ceev tseg rau koj tus me nyuam tom tsev. Nyob rau yav tom ntej no, nws yuav tau muab cov hnub no rau lwm lub tsev kawm ntawv, cov tsev kawm qib siab los yog cov chaw ua hauj lwm.

4. Puas muaj tej qho zam tau koob tshuaj yuav tau txhaj tiv thaiv Tdap thiab varicella?
Muaj, muaj ob qho.

Yog tias koj tus me nyuam yuav mus kawm qib 6, 9, los yog 12 es twb tau txais ib koob tshuaj txhaj tiv thaiv kab mob xeb (tetanus) lawm (piv txwv li koob tshuaj tiv thaiv Td) nyob rau hauv 5 xyoos tas los lawm, koj tus me nyuam yuav siv tau lawm thiab koob tshuaj tiv thaiv Tdap tsis tas txhaj rau lub sij hawm no los tau lawm. Ntxiv koob tshuaj txhaj tiv thaiv Td rau daim ntawv ceev tseg muab ua ke los no thiab muab xa rov mus.
Yog tias koj tus me nyuam twb tau txais tus mob ua qhua taum no lawm, txawm yog tom qab tau txhaj koob tshuaj txhaj tiv thaiv varicella los xij, tsis tas yuav txhaj tshuaj tiv thaiv ntxiv lawm. Teev qhia rau hauv daim ntawv ceev tseg muab ua ke los no tias koj tus me nyuam twb muaj tus mob ua qhua taum ntawd lawm.

5. Yog tias kuv tus me nyuam twb muaj tus mob hnoos (pertussis) lawm, nws puas yuav tau txhaj koob tshuaj tiv thaiv Tdap ntxiv?
Cov me nyuam uas twb muaj tus mob pertussis lawm yuav tsum tau txais koob tshuaj txhaj tiv thaiv Tdap raws li txoj kev txhaj txhuaj yuav kom txhaj vim tias ncua sij hawm kev tiv thaiv los ntawm tus kab mob ntawd tsis paub meej tias yuav kav ntev li cas thiab vim tias kev tshuaj ntsuam (diagnosis) tus mob kuj yog paub tsis meej. Qhov no yuav zam tsis tau rau koob tshuaj txhaj tiv thaiv Tdap.

6. Kuv yuav mus txhaj koob tshuaj tiv thaiv Tdap thiab/los yog varicella rau kuv tus me nyuam tau nyob qhov twg?
Cov tsev tshuaj ntsuam mob (clinics) txhua lub hauv Dane County puav leej paub txog thiab muab kev pab rau qhov kev yuav tau txhaj tshuaj no. Cov tshuaj txhaj tiv thaiv no muaj nyob tom koj tus me nyuam tus kws kho mob los yog tom feem kev noj qab haus huv hauv zos. Thov teem ib lub sij hawm nrog rau nej tus kws kho mob kom sai thiaj nraim tau cov neeg tuaj coob coob thaum caij ntuj sov rau tom tsev tshuaj ntsuam mob. Yog xav paub ntxiv txog qhov kev txhaj txhuaj tiv thaiv no, hais mus rau tom koj tus me nyuam lub tsev kawm ntawv tus neeg kho mob los yog tom koj tus kws kho mob. Yog xav paub txog feem kev noj qab haus huv cov caij nyoog txhaj tshuaj tiv thaiv no ces mus rau ntawm http://www.cityofmadison.com/health/phn/immunizations.html los yog hu rau tom Madison-Dane County Feem Kev Noj Qab Haus Huv ntawm 266-4821.

Health Information

For more information, contact:
Freddi Adelson, Health Services Coordinator
Madison Metropolitan School District
545 W. Dayton St.
Madison, WI 53703