Lub Ib Hli, 2007

Wisconsin Tsab Cai Me Nyuam Kawm Ntawv Kev Txhaj Tshuaj Tiv Thaiv

Txog Cov Niam Txiv/Tus Tswj Fwm:

Txhua tus me nyuam kawm ntawv mus txog qib 12 kawm rau hauv Wisconsin cov Tsev Kawm Ntawv yuav tsum tau muaj tim khawv qhia tias tau txais kev txhaj tshuaj tiv thaiv tej yam mob sib kis tau los yog yuav tsum muab kom tau tej txheej xwm tsis pub txhaj tshuaj ntawd. Cov tshuaj txhaj raws lub hnub nyoog/qib kawm tau muab teev rau sab nraum no. Thov nyeem, sau kom tiav, kos npe rau, thiab xa Tus Me Nyuam Cov Ntaub Ntawv Txhaj Txhuaj nyob sab nraum no rov mus rau tom neb tus me nyuam lub tsev kawm ntawv thaum tuaj sau npe kawm ntawv. Lub hli, hnub thiab xyoo ntawm txhua koob tshuaj txhaj yuav tsum muab sau kom meej rau hauv daim foos.

Nyob rau hauv 30 hnub ntawm kev tuaj sau npe kawm, cov me nyuam yuav tsum muab kom tau tej tim khawv los qhia rau lawv lub tsev kawm ntawv tias lawv tau txais kev txhaj tshuaj tiv thaiv mob ua qoob, mob rubella, mob qog (MMR), mob qa hawj foob, mob kab xeb, mob hawb pob, mob tuag npab tuag ceg, mob siab (Hepatitis B) thiab mob ua qhua taum (varicella).

• 3 koob tshuaj txhaj tiv thaiv mob siab (Hepatitis B) yuav tsum tau txhaj rau txhua qib kawm. Cov me nyuam muaj hnub nyoog 11 mus rau 15 xyoo uas tau txais hom tshuaj txhaj tiv thaiv muaj tim khawv kom txhaj ob koob xwb siv tau lawm ces duav tau cov tshuaj txhaj tiv thaiv mob siab lawm.
• Ob Koob tshuaj txhaj tiv thaiv MMR yuav tsum tau txais rau thawj lub hnub yug los yog tom qab ntawd. Cov me nyuam tau txais koob tshuaj MMR ua ntej lawv thawj lub hnub yug yuav tiv thaiv tsis tau zoo.
• Rau cov me nyuam hauv qib xyaum kawm (K), tsawg kawg ib koob tshuaj txhaj tiv thaiv DPT/DTaP/DT yuav tsum tau txais tom qab lub hnub yug thib plaub.
• Koob tshuaj txhaj tiv thaiv mob qhua taum (Varicella) los yog keeb kwm mob qhua taum ntawm cov me nyuam yuav mus kawm qib K-12 yuav tsum tau teev kom meej pem. Yog tias tus me nyuam tsis muaj keeb kwm tau mob qhua taum thiab tsis tau txhaj thawj koob tshuaj tiv thaiv qhua taum rau thaum muaj 13 xyuas los yog tom qab ntawd, yuav tau txhaj ob koob kom puv cov tshuaj txhaj ntawd.
• Tsab cai txhaj tshuaj tiv thaiv ziag no tso cai cia muaj ib ncua sij hawm 4 hnub kem. Qhov no ntaus nqi tias yog tau txais cov koob tshuaj MMR 4 hnub los yog tsawg hnub dua ntawd ua ntej thawj lub hnub yug, yog tau txais cov koob tshuaj DTaP 4 hnub los yog tsawg hnub dua ntawd ua ntej hnub yug thib 4, thiab yog tau txais cov koob tshuaj polio 4 hnub los yog tsawg hnub dua ntawd ua ntej lub hnub yug thib 4 los puav leej siv tau tib si.

Cov kab mob sib kis taus no yuav muaj cuab kav ua tau mob hnyav heev yog tus me nyuam tau txais cov mob no. Tsab cai no siv los tiv thaiv txhua tus me nyuam hauv tsev kawm ntawv. Cov me nyuam yuav muaj cuab kav raug tshem tawm hauv tsev kawm ntawv li kaum hnub mus txog rau thaum muab tau cov ntaub ntawv txhaj tshuaj tuaj los yog thaum kee tej txheej xwm tsis pub txhaj tau meej pem.

Yog yav nram ntej neb tus me nyuam tau mus kawm rau lwm lub tsev kawm ntawv thiab neb twb tau ua cov ntaub ntawv txhaj tshuaj meej pem rau lub tsev kawm ntawv ntawd tau siv lawm, neb yuav tau kom lawv xa ncaj nraim tuaj rau neb los yog rau peb. Txawm li ntawd los neb yuav tau pov plob xyuas kom neb tus me nyuam lub tsev kawm ntawv ziag no tau txais cov ntaub ntawv no.

Thaum lub tsev kawm ntawv tau txais neb tus me nyuam cov ntaub ntawv txhaj tshuaj tiv thaiv lawm, tsev kawm ntawv tus poj kho mob yuav rov xyuas dua cov ntaub ntawv thiab mam qhia los rau neb, yog neb tus me nyuam cov tshuaj tseem txhaj tsis tau txaus li qhov yuav tau txhaj nyob rau nws qib. Yog neb tus me nyuam yuav tau txhaj tshuaj tiv thaiv ntxiv, nws muaj cuab kav mus txhaj tom nej tus kws kho mob los yog tom lub Tsev Tshuaj Ntsuam hauv Fab Noj Qab Haus Huv. Yog xav paub txog tsev noj qab haus huv tej caij txhaj tshuaj, hu rau 266-4821.

Yog neb muaj lus nug txog daim foos txhaj tshuaj los yog cov tshuaj txhaj tiv thaiv, thov hais rau neb tus me nyuam lub tsev kawm ntawv tus poj kho mob, nej tus kws kho mob los yog nej lub tsev noj qab haus huv. Peb txaus siab rau neb tej kev koom tes. Ua tsaug.

Lus Meej Tseeb,

Freddi Adelson, MS, RN, PNP
Tus Thawj Tswj Fab Kev Noj Qab Haus Huv

Health Information

For more information, contact:
Freddi Adelson, Health Services Coordinator
Madison Metropolitan School District
545 W. Dayton St.
Madison, WI 53703