Me Nyuam Kawm Ntawv Tsab Cai, Cov Txheej Txheem, Thiab Cov Kab Ke Rau Siv Internet

Nroog Madison Cheeb Tsam Tsev Kawm Ntawv
Rov Kho Dua: Lub Rau Hli 18, 2002

Tsab Cai:

Nws yog txoj kev cai ntawm Tsoom Fwv Tsev Kawm Ntawv kom ua raws thiab npaj siab tias cov me nyuam kawm ntawv yuav siv Internet yam muaj kev pov plob zoo. Raws li Tsoom Fwv Tsev Kawm Ntawv tau tsim tsab cai thiab cov txheej txheem rau siv Internet nrog rau cov kab ke tswj tej cwj pwm ntawm cov me nyuam kawm ntawv uas siv qhov Internet. Cov me nyuam kawm ntawv uas tsis ua raws cov qauv ntawm tej cwj pwm tau teev tseg rau hauv Tus Txheej Txheem Tswj thiab Tus Laj Txheej Qhuab Qhia Me Nyuam Kawm Ntawv los yog hauv cov kab ke siv Internet yuav raug txwv tsis pub siv ntxiv thiab/los yog tseem yuav raug muab lwm yam kev qhuab qhia rau nws.

Cov Txheej Txheem Rau Siv:

Tsoom Fwv Tsev Kawm Ntawv yuav tso cai rau txhua tus me nyuam kawm ntawv siv Internet uas yog cov me nyuam niam txiv los yog tus tswj fwm tsis tau sau ntawv tuaj txwv tsis pub tus me nyuam siv. Yog niam txiv/tus tswj fwm twg tsis kam, nws yuav tsum sau daim foos tsis kam siv, kos npe rau thiab muab tuaj ceev tseg rau tom lub tsev kawm ntawv uas tus me nyuam tuaj kawm.
Txhua xyoo, ua ntej yuav siv, txhua tus me nyuam kawm ntawv yuav tsum tau txais thiab tau sib tham tej txheej lus los ntawm nws tus xib fwb txog:
1. Kev siv Internet kom muaj kev ruaj ntseg thiab kev ceev xwm zoo, xws li yog:
  - qhov tseem ceeb ntawm kev nkag siab txog tej yam tsis zoo cia rau me nyuam yaus saib
  - kev siv e-mail, kev sib tham thiab lwm yam kev sib txuas lus kom muaj kev ruaj ntseg xws li qhov tseem ceeb ntawm kev nkag siab tias yus yuav tsum tsis txhob muab tus kheej tej ntsiab lus ntiag tug coj los tso rau hauv Internet yog tsis muaj kev tsom kwm ntawm ib tug laus neeg; xws li tus kheej tej ntsiab lus ntiag tus mas yog lub npe, chaw nyob, xov tooj, daim credit card to nab npawb, thiab tus nab npawb Social Security.
2. Kev siv Internet kom muaj kev pov plob zoo, xws li yog:
  - ua raws txoj kev cai li choj
  - nkag siab tias tej kev siv tsis raug thiab tsis raws txoj cai xws li nkag mus tshawb rau tej ntaub ntawv los yog tej kev sib txuas lus uas tsis tau tus tswv kev tso cai, "kev nyiag nkag," los yog kev nyiag muab, kev nyiag siv, los yog kev nyiag muab qee leej tej ntsiab lus ntiag tug mus rau lwm tus yam tsis tau kev tso cai.
3. Kev saib xyuas uas Tsoom Fwv tau txwv tsis pub siv tej yam muaj kev piam sij rau cov me nyuam yaus, xws li yog:
  - yuav tau muab Internet cais (kom txhob pom tej qho tsis tsim nyog cia me nyuam yaus saib)
  - yuav tsum muaj cov laus tsom kwv saib rawv thaum me nyuam kawm ntawv siv Internet

Cov Kab Ke:

Cov me nyuam kawm ntawv yuav tsum:
- ua raws tib tug txheej txheem kev tswj tau kom ua thiab tau kee muaj nyob hauv chav kawm
- ua raws cov kab ke siv tus password thiab siv e-mail
- ua raws cov kab ke siv tej chaw tshawb kawm, lub caij nyoog tsawg thiab txoj kev qhia cia luam ntawv
- tawm hauv lub computer kom sai li sai tau thaum tiav lawm, cia lwm tus los siv lub computer
- qhia tej kev yuam cai ntawm cov kab ke no rau cov xwb fwb
Students shall not:
- qiv lawv tus e-mail thiab tus passwords rau lwm tus li
- tsim ua kab mob (computer virus) thiab muab tso rau hauv qhov network
- xa tej tsab xov tsis raug raws tus txheej txheem kev tswj, sau tawm los sis teb rov los xij
- xa tej tsab xov tsis zoo nkauj, hais lus mob siab, hais sib cais poj niam txiv neej, tej lus muaj tej yam siab neeg, los yog tej lus muaj taus teeb meem los yog tej lus tsim txom lwm tus
- xa tej tsab xov siv lwm tus npe rau
- nyeem tej ntawv sau los yog tej ntaub ntawv uas tsis tau tus tswv kev tso cai
- cuam tshuam lwm tus qhov kev muaj peev xwm uas yuav los siv tsev kawm ntawv tej cuab yeej thiab chaw siv tau muaj txiaj ntsim

MMSD Internet Policies & Guidelines
MMSD Instructional Support